कपिलवस्तुमा थप १० जना संक्रमित भेटिए
कपिलवस्तुमा थप १० जना कोरोना संक्रमित भेटिएका छन् । यससंगै प्रदेश ५ मा कोरोना संक्रमितको संख्या ४० पुगेको छ ।
प्रारम्भिक सूचनामा कपिलवस्तुको यशोधरा गाउँपालिकामा ८ जना र बुद्धभूमि नगरपालिकामा २ गरी १० जना कोरोना संक्रमित भेटिएका हुन् ।
कोरोना संक्रमित भेटिएका क्वारेन्टाइनहरुमा यशोधरा गाउँपालिकामा रहेको अनिरुद्र माध्यमिक विद्यालय र बुद्धभूमि नगरपालिकाको गौतमबुद्ध क्वारेन्टाइन भएको बताइएको छ ।
मन्त्रालयद्वारा जारी वक्तव्यमा भनिएको छ, “राष्ट्रिय जनस्वास्थ्य प्रयोगशाला काठमाण्डूमा गरिएको परीक्षणअनुसार नयाँ पुष्टि भएको सङ्ख्या १० छ। जो कपिलवस्तु यशोधरा गाउँपालिका-५ र बुद्धभूमि नगरपालिका-७, १० निवासी १८, ,१९, २०, २४, २०, २० ,२४, ३०, ३१, ३४, ३४ वर्षीय पुरुषहरू र १ जना उमेर नखुलेका पुरुष हुन ।
उनीहरूको अवस्था सामान्य रहेको र स्वास्थ्यकर्मीको सम्पर्कमा रहेको मन्त्रालयले जनाएको छ।
Source:Butwaltoday.com
