आज सुनचाँदीको मूल्य घट्यो

काठमाडौ,फागुन १४ : शुक्रबार सुनको भाउ तोलामा ५०० रुपैयाँले गिरावट भएको छ। छापावाला सुन प्रतितोला ८८ हजार ८०० रुपैयाँ र तेजाबी सुन प्रतितोला ८८ हजार ३५० रुपैयाँमा खरिदबिक्री भइरहेको नेपाल सुनचाँदी व्यवसायी महासंघले जनाएको छ। बिहीबार पनि सुन तोलामा ५०० रुपैयाँले घटेर प्रतितोला ८९ हजार ३०० रुपैयाँमा काराेबार भएकाे थियो।गत शुक्रबार यता सुनको मूल्य तोलामा ६०० रुपैयाँले वृद्धि भएको छ। सो दिन सुन प्रतितोला ८८ हजार २०० रुपैयाँमा कारोबार भएको थियो। यस साताको मंगलबार सुनको मूल्य उच्च रही प्रतितोला ९० हजार १०० रुपैयाँ पुगेको थियो। त्यसयता भने सुनको मूल्य निरन्तर घटिरहेको छ।

यसै गरी चाँदी तोलामा रु २० ले घटेको छ । रु एक हजार ३५५ मा बिहीबार कारोबार भएको चाँदी शुक्रवार भने रु एक हजार ३३५ मूल्य निर्धारण भएको छ ।साताभरमा चाँदीको भाउ प्रतितोला ३० रुपैयाँले बढोत्तरी भएको छ। गत साताको शुक्रबार चाँदी प्रतितोला एक हजार ३०५ रुपैयाँ रहेको थियो। त्यसपछिका दिनमा निरन्तर वृद्धि भएर चाँदी फागुन ११ गते, मंगलबार प्रतितोला एक हजार ३६० रुपैयाँमा उक्लेको थियो। बुधबार लागेसँगै चाँदीको भाउमा गिरावट भएको हो।