आज सुन चाँदीको मूल्य कति भयो त?

काठमाडौ,फागुन २७: आज सुन चाँदी दुबैको भाउमा सामान्य वृद्धि देखिएको छ। नेपाल सुनचाँदी व्यवसायी महासंघका अनुसार बिहीबार सुन तोलामा ६०० रुपैयाँले बढेको छ भने चाँदी पनि तोलामा १५ रुपैयाँले बढेको छ।

अघिल्लो दिन बुधबार प्रतितोला ८६ हजार २०० रुपैयाँमा कारोबार भएको छापावाला सुन बिहीबार प्रतितोला ८६ हजार ८०० रुपैयाँमा कारोबार भइरहेको छ। त्यस्तै तेजाबी सुन ८६ हजार ३५० रुपैयाँमा खरिद बिक्री भइरहेको छ। बिहीबार चाँदी प्रतितोला १ हजार २८५ रुपैयाँमा खरिदबिक्री भइरहेको छ। बुधबार चाँदी प्रतितोला १ हजार २७० रुपैयाँमा खरिदबिक्री भएको थियो।