झलनाथ खनाल कोरोना संक्रमणमुक्त

काठमाडौ,वैशाख २७ : पूर्वप्रधानमन्त्री तथा एमालेका वरिष्ठ नेता झलनाथ खनाल कोरोना संक्रमणमुक्त भएका छन् । कोरोना संक्रमणपछि खनाल गत वैशाख १८ गतेदेखि थापाथलीस्थित नर्भिक अस्पतालमा उपचाररत छन् । खनालका स्वकीय सचिव कृष्ण भट्टराईले आइतबार गरिएको परीक्षणमा कोभिड-१९ रिपोर्ट नेगेटिभ आएको जानकारी दिएका छन् ।
संक्रमणमुक्त भए पनि खनालको स्वास्थ्यमा सुधार देखिएको र अझ केही दिन चिकित्सकको निगरानीमा अस्पतालमै रहने पनि भट्टराईले जानकारी दिएका छन् ।