डिभी चिठ्ठाको नतिजा सार्वजनिक

काठमाडौ,वैशाख २६ : अमेरिकी सरकारले प्रदान गर्ने डिभी चिठ्ठाको नतिजा सार्वजनिक भएको काठमाडौंस्थित अमेरिकी दूतावासले जनाएको छ । दूतावासका अनुसार गएराति डिभी २०२२ को नतिजा सार्वजनिक भएको हो । नतिजा थाहा पाउनका लागि dvprogram.state.gov मा गएर अनलाइन आवेदन दिंदा उपलब्ध गराइएको आफ्नो कन्फर्मेशन नम्बर, थर र जन्ममिति राखनुपर्ने छ । छनौट हुन सफल आवेदकहरूलाई त्यसपछिको प्रकृयाको बारेमा जानकारी सोही वेबसाइटमा नै उपलब्ध रहेको दूतावासले जनाएको छ ।

डिभी विजेता भनेर कुनै इमेल नआउने तथा भिसा अन्तर्वार्ताका लागि अग्रिम शुल्क पनि नमागिने अमेरिकी दूतावासले जनाएको छ ।