संसद् विघटनले अर्थतन्त्रमा कस्तो प्रभाव पार्छ ; अर्थविद् डा शंकर शर्मा,

पछिल्लो राजनीतकि घटनाक्रमले अर्थतन्त्रमा नकारात्मक प्रभाव पार्छ  । जेजस्तो भएपनि स्थायी सरकारको एकखालको नीति थियो । धेरैजसो लगानीकर्ताले सो नीति अध्ययन गरेर लगानीका सम्बन्धमा एक खालको धारणा बनाइसकेको अवस्था थियो । सोही अनुसार लगानी हुन थालेको पनि थियो । अब यस राजनीतिक घटनाक्रमले फेरि अस्थिर राजनीतिको संकेत दिएको छ । लगानी गर्ने अवसर गुमेको छ । लगानीको वातावरण फेरि अनिश्चततातर्फ धकेलिएको छ । कमसेकम तीन वर्ष बन्द हड्तनल भएको थिएन । यो स्थायी सरकारको प्लस प्वाइन्ट हो ।  तर, अब यो समस्या फेरि हुने भयो । अब कुन पार्टीको सरकार आउँछ र उसले लिने नीति कस्तो हुन्छ भनेर लगानीकर्ताहरु पर्ख र हेरको अवस्थामा हुन्छन् । अब तत्काल लगानी गर्न अघि सर्दैनन् ।