स्वर्गीय राजा विरेन्द्रको जन्मजयन्ती आज
काठमाडौं, पुस १४ : बुवा महेन्द्र तथा आमा इन्द्र राज्य लक्ष्मीदेवी शाहको कोखबाट वि.सं. २००२ साल पुस १४ गते तत्कालिन राजा स्वर्गीय विरेन्द्रको जन्म भएको थियो।
विसं २०२८ सालमा नेपालको राजा बनेका विरेन्द्रशाहले नेपाललाई शान्ति क्षेत्र बनाउने प्रस्ताव विश्वसामु राखेर शान्तिवादी राजाको छवि बनाएका थिए । उनले २०४६ सालको जनआन्दोलन पछि प्रजातन्त्रको पुनर्बहाली गर्ने निर्णय गरेका थिए। त्यसपछि देशमा बहुदलीय व्यवस्था आएको थियो त्यसैले विरेन्द्रलाई जन प्रेमी राजाका रुपमा पनि चिनिन्छ।
इतिहासकै अकल्पनीय घटनाका रूपमा विक्रम संवत् २०५८ साल जेठ १९ गते शुक्रवार नारायणहिटी दरबारभित्र राजा विरेन्द्रको वंशनाश भएको थियो। तत्कालिन रानी ऐश्वर्य, युवराज दिपेन्द्र अधिराजकुमार निराजन, अधिराजकुमारी श्रुतिलगायतको हत्या भएको नारायणहिटी हत्याकाण्ड भने अझै रहस्यमय छ। त्यो दिनलाई नेपाली जनताले अहिले पनि कालो दिनका रूपमा सम्झिरहेका छन्।
तत्कालिन स्वर्गीय राजा विरेन्द्रशाहको ७६ औ जन्मजयन्ती आज पशुपतिनाथमा विषेस पूजा गरी मनाइदै छ ।उनको निधन पछि नेपाली राजनीतिमा ठूलो परिवर्तन भयो। त्यसपछि राजा बनेका तत्कालिन राजा ज्ञानेन्द्रले विसं २०५९ असोज १८ गते जननिर्वाचित प्रधानमन्त्री शेरबहादुर देउवालाई अपदस्थ गरी आफुखुशी कार्यकारी प्रमुख तोकेका थिए।
आफुखुशी तोकिएका प्रधानमन्त्रीबाट समेत सन्तुष्ट नभई २०६१ माघ १९ गते मन्त्रिपरिषद्को अध्यक्षसमेत राजा नै बनेपछि आम मानिसमा राजतन्त्रप्रति वितृष्णा बढ्दै गयो। २०६३ वैशाख ११ गते लोकतन्त्र आयो।
लोकतन्त्र स्थापना भएपछि त्यसै २०६३ साल जेठ ४ गते बसेको प्रतिनिधिसभाको बैठकले राजतन्त्र निलम्बनसहित महत्वपूर्ण ऐतिहासिक घोषणा गरेको थियो। यही घोषणा बमोजिम पहिलोपटक २०६४ चैत २८ गते पहिलो संविधानसभाको निर्वाचन भयो।
संविधानसभाको पहिलो बैठकले २०६५ जेठ १५ गते नेपालमा २४० वर्षे राजतन्त्रको अन्त्य गर्दै सङ्घीय लोकतान्त्रिक गणतन्त्र घोषणा गयो। अहिले फेरि जनतामा दलहरु प्रति वितृष्णा बढ्दै जाँदा राजतन्त्र पुनः स्थापनाको माग हुन थालेको छ।
