असार १ गतेदेखि आन्तरिक हवाई उडान खोल्न माग

काठमाडौ,जेठ २७ : कोरोनाको कारण बन्द रकेहो आन्तरिक हवाई उडान अहिले ठप्प छ । यसैबीचमा वायुसेवा सञ्चालक संघ नेपालले आगामी असार १ गतेदेखि आन्तरिक हवाई उडान खोल्न माग गरेको छ । संघले बुधवार विज्ञप्ति जारी गर्दै विमान कम्पनी स्वास्थ्य सुरक्षाका मापदण्ड पालना गरी उडान गर्न प्रतिबद्ध रहेकाले खोल्नुपर्ने माग गरेको हो । लामो दूरी पनि छोटो समयमै पुग्न सकिने, विश्व स्वास्थ्य संगठन र सरकारले तोकेको मापदण्ड पूर्णपालना हुने भएकोले उडान खोल्नुपर्ने संघले बताएको छ ।
वायुसेवा संघले गत वर्षको बन्दाबन्दी जस्तै यो वर्ष पनि निषेधाज्ञा अवधिभर ल्याण्डिङ पार्किङ तथा अन्य शूल्कमा ७५ प्रतिशत छूटको व्यवस्था गर्न पनि माग गरेको छ । अन्तराष्ट्रिय उडानतर्फ हवाई इन्धनको मूल्य कटौतीलाई पनि संघले स्वागत गरेको छ ।