ओली र माधब नेपाल बीच आज पनि बार्ता हुदैँ

काठमाडौ,साउन ७: फुटको नजिक पुगेको नेकपा एमाले केपी ओली केही लचिलो हुदा पुन पाटि एकता हुने सम्भावना बढेको जस्तो देखिन थालेको छ। आज दिनभरमा अन्तिम निकर्ष निकाल्ने तयारीमा जुटेका छन। ललितपुरको च्यासलमा तीन दिनदेखि जारी केन्द्रीय कमिटीको बुधबार बसेको बैठकलाई सम्बोधन गर्दै पूर्वप्रधानमन्त्रीसमेत रहेका ओलीले मोही मथेर भएपनि पार्टी एकता बचाउने बताउँदै नेपाललाई दोस्रो अध्यक्ष बनाउन तयार रहेको बताएका थिए ।बुधबारको केन्द्रीय कमिटी बैठकमा केन्द्रीय सदस्यहरुले पार्टी एकताका लागि निकै दबाब दिएका थिए । बुधबारको बैठकमा ओली पक्षका नेताहरुले आफूहरुले पार्टी एकताको दबाबको लागि दुवै तर्फका ३०/३० जनाको टोली बनाउन लागेको र बुधबार मात्रै दुवै तर्फबाट ५/५ जनाको टोली बनाईसकेको जानकारी दिएपछि ओलीले बैठकमा सम्बोधन गर्दै नेपाललाई दोस्रो अध्यक्ष दिन तयार भएको बताएका हुन् ।

बुधबार मात्रै झपट रावल, राजबहादुर बूढा, दीपकप्रकाश भट्ट, यज्ञराज सुनुवार, नारायण खतिवडा, सूर्य पाठक र कृष्ण दाहाल लगायतका १० जना नेताहरुले दबाब अभियान शुरु नै गरिसकेका छन् । उनीहरुले कम्तीमा ६० जना नेताहरुको समूह बनाएर ओली र नेपाल दुवैलाई कार्यदलको मानिसहरुसँग बस्ने भएका छन् । उनीहरुले विहिबार कार्यदलका सदस्यहरुसँग भेटघाट गर्ने र शुक्रबार ओली नेपाल दुवैलाई भेटेर एकताका लागि दबाब दिने बताएका छन् । त्यसको जानकारी पाएका ओलीले बुधबारको बैठकमा यस्तो कुरा बताएका हुन् ।ओलीले सर्वोच्च अदालतले २०७७ फागुन २३ मा एमालेलाई २०७५ जेठ २ को अवस्थामा फर्काइदिए बमोजिम एकताका लागि हदैसम्म लचिलो हुन तयार रहेको पनि बैठकमा बताएका छन् ।’हामी एमालेको एकता बचाउनका लागि हदैसम्म लचिलो भएका छौँ’, ओलीको भनाइ उद्धत गर्दै एकजना केन्द्रीय सदस्यले भने ‘अन्तिम अवस्थासम्म पनि एकताका लागि प्रयास जारी राखेका छौँ ।’ ओलीले जेठ २ मा गठित कार्यदलले असार २७ गते सिंहदरबारमा जुटाएको १० बुँदे सहमति कार्यान्वयनका लागि आफू प्रतिवद्ध रहेको पनि बताएका छन् ।’१० बुँदे सहमति कार्यान्वयन गर्न म प्रतिवद्ध छु’, उनले बैठकमा भनेका छन्, ‘एकता भएमा कार्यदलको सहमति अनुसार नै पार्टीका सबै संरचनाहरु ०७५ जेठ २ कै अवस्थाबाट क्रियाशील हुनेछन् ।’ तर एकताका लागि आफू हदैसम्म लचिलो हुँदा पनि नेपालले अनेक बहान गरेको गुनासो गरेका छन् ।यता वरिष्ठ नेता नेपालले बुधबार आफू निकट रहेका नेताहरुसँग छलफल गरेर पार्टी एकताप्रति केही लचिलोपन देखाएका छन् । त्यसक्रममा पार्टीका उपाध्यक्ष युवाराज ज्ञवाली, उपमहासचिव घनश्याम भूषाल, स्थायी कमिटी सदस्यहरु मुकुन्द न्यौपाने र रघुजी पन्तले आफ्ना धारणा राखेका थिए । त्यसक्रममा न्यौपानेबाहेक सबै नेताहरुले पार्टी एकता कायम राख्नुपर्ने, कार्यदलले दिएको १० बुँदे कार्यान्वयन गर्न दबाब दिनुपर्ने, नेताहरुमाथि हुने गालीगलौच र अनैतिक गतिविधि रोक्नु पर्ने तथा स्पष्टिकरणको नाममा एकता र १० बुँदे सहमति कार्यान्वयनमा अवरोध गर्न नहुने बताएका थिए ।नेता नेपालले पनि सम्मानजनक एकताको पक्षमा आफू रहेको बताएका थिए । नेपाल पक्षका नेता गोकर्ण विष्टले एकतामा