कक्षा १ देखि ९ सम्मको परीक्षा आजदेखि

काठमाडौं । शिक्षा विज्ञान तथा प्रविधि मन्त्रालयको निर्देशनअनुसार चालु शैक्षिक सत्रको अन्तिम परीक्षा आजबाट सुरु हुँदैछ ।

मन्त्रालयले कोरोना भाइरस फैलन सक्ने भन्दै चैत ५ गतेभित्र कक्षा १ देखि ९ सम्मको परीक्षा लिइसक्न निर्देशन दिएको थियो ।

आधारभूत तह कक्षा ८ को परीक्षा पालिकाअन्तर्गत लिइनेछ भने अन्यको विद्यालयले आफुअनुकुल लिनेछ ।

त्यसलगतै चैत्र ६ देखि १६ सम्म माध्यमिक विद्यालय परीक्षा (एसइई) हुनेछ । मन्त्रालयले निजी तथा आवासीय विद्यालय अर्गनाइजेसन नेपाल (प्याब्सन), नेसनल प्याब्सन, अभिभावक संघ, शिक्षक महासंघलगायत सरोकारवाला पक्षसित छलफल गरी परीक्षा अगाडि सार्न निर्देशन दिएको हो ।

शैक्षिक सत्रको तलिका अनुसार विगतभन्न्दा एक साताअघि परीक्षा सञ्चालन हुँदैछ । 

Source:Imagekhabar.com