आज सुनचाँदीको मूल्य २०७७ कै सस्तो

काठमाडौ,फागुन २१: पछील्लो समयमा सुनचाँदीको मुल्य घटीरहेको छ।आज छापावाला सुन प्रतितोला ८५ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघको तथ्यांकले देखाउँछ । यस्तै तेजाबी सुनको पनि मूल्य घटेर प्रतितोला ८५ हजार १५० रुपैयाँमा खरिदबिक्री हुँदैछ ।
अघिल्लो कारोबार दिन पनि सुन तोलामा एक हजार रुपैयाँले घटेर प्रतितोला ८६ हजार ५०० रुपैयाँ भएको थियो । पछिल्लाे एक सातामा सुनकाे मूल्य ताेलामा तीन हजार २०० रूपैयाँले घटेको छ । गत साताकाे शुक्रबार सुन प्रतिताेला ८८ हजार ८०० रूपैयाँ ताेकिएकाे थियाे । शुक्रबार सुनको मात्र नभई चाँदीको मूल्यमा पनि गिरावट देखिएको छ । साताको अन्तिम कारोबार दिन चाँदी तोलामा३५ रुपैयाँले घटेर प्रतितोला एक हजार २५० रुपैयाँमा किनबेच हुँदैछ । बिहीबार चाँदी ३० रुपैयाँले ओरालो लागेर प्रतितोला एक हजार २८५ रुपैयाँमा कारोबार भएको थियो ।