नेकपा अध्यक्ष प्रचण्डमाथि राष्ट्रिय सभागृहमा जुत्ता प्रहार
काठमाडौं : नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’माथि राष्ट्रिय सभागृहमा जुत्ता प्रहार भएको छ ।
नेकपा नेता भरतमोहन अधिकारीको प्रथम स्मृति सभामा सम्बोधन गरेर सिटमा फर्किने क्रममा प्रचण्डमाथि जुत्ता प्रहार भएको हो ।
प्रचण्डले कार्यक्रमलाई सम्बोधन गरिरहेको भिडियो उनको सचिवालयले फेसबुकमा लाइभ गरिरहेको थियो ।
जुत्ता प्रहार गर्ने व्यक्तिलाई सुरक्षाकर्मीले नियन्त्रणमा लिएको छ । उनको परिचय खुल्न बाँकी छ ।
