न्युजिल्याण्डकी प्रधानमन्त्री जेकिण्डालाई चाहिँदैन सहयोगी, आफैं ब्रिफकेस बोक्छिन् र गाडीमा पनि आफै हाल्छिन्
गाप्सअनलाईन मिडिया ,
काठमाडौं । नेपालमा नेताहरु विलासी बनिरहेका छन् । उनीहरुले छाता ओढाउनदेखि खोला तर्दासम्म कार्यकर्तालाई बोकाउन गर्छन् । हालै प्रधानमन्त्री केपी शर्मा ओलीको जन्मदिन मनाउन चारवटा हेलिकप्टर प्रयोग गरेको समाचार नेपालीले सुने । तर, यही बेला एउटा तस्विर भाइरल बनिरहेको छ । त्यो हो, न्युजिल्याण्डकी प्रधानमन्त्री जेकिण्डा आर्डेनको ।
अष्ट्रेलिया भ्रमणका क्रममा उनले आफ्नो सामान आफैंले बोकेकी छन् । आफ्नो सामान आफैंले बोकेर गाडीमा समेत राखेको तस्विर अहिले भाइरल बनिरहेको हो ।
अधिकांश कुरा विदेशी सिको गर्ने नेपालका राजनीतिक दलका नेता तथा पदीय हैसियत उच्च भएकाले सकारात्मक कुरा कहिले सिक्छन् भन्दै सामाजिक सञ्जालमा प्रयोगकर्ताले प्रश्न गरेका छन् ।
