रामकृष्ण ढकालको नयाँ रेकर्ड: ‘माया जदौ’ गीत करोड क्लबमा प्रवेश
काठमाडौं गायक रामकृष्ण ढकालले गाएका दर्जनौं गीतहरु हिट छन् । म्यूजिक भिडियो र चलचित्रका गीत पनि उस्तिै चर्चित छन् ।
तर ‘माया जदौ’ बोलको गीतमा उनलाई सांगीतिक करियरकै नयाँ रेकर्ड कायम भएको छ ।
चलचित्र ‘हिजो आजका कुरा’मा समावेश यो गीत करोड क्लबमा प्रवेश गरेको छ । गायिका मेलिना राईसँग गाएको यस गीतलाई युट्युबले लोकप्रियताको मापक गरिदिएको छ ।
संभवत गायक ढकालको करोड भ्यूअर्स पाएको पहिलो गीत हो । आनन्द अधिकारीले लेखेको उक्त गीतमा दिपक शर्माको संगीत तथा श्यास्वेत रसाइलीको संगीत संयोजन छ ।
गीतमा चलचित्रका मुख्य कलाकार सन्तोष पन्त, रमा थपलिया, रीमा विश्वकर्मा लगायतलाई देख्न सकिन्छ ।
गीतमा दीपाश्री निरौला, केदार घिमिरे, जीतु नेपाल, मदनकृष्ण श्रेष्ठ, गौरी मल्ल, मिथिला शर्मा लगायतका अतिथि कलाकारले पनि अभिनय गरेका छन् ।
चलचित्रकै लागि ढकालले गाएका चलचित्र ‘सीमारेखा’ को ‘छिटको गुन्यु’, ‘झझल्को’ को ‘जिन्दगीले यसरि धोका दियोकी’, ‘आशिर्वाद’ को ‘मलाई यो जिन्दगिले कहाँ पुरायो’ र ‘झरनाभै झर्दै’, ‘कहीं मिलन कहीं बिछोड’ को ‘मलाई लुकी छिपी भएपनि माया गर है’ लगायतका दर्जनौँ गीत लोकप्रिय थिए ।
Source:Imagekhabar.com
