आज सुन चाँदीको मूल्य बढ्यो

काठमाडौ,असार ८ : आज सुन चाँदी दुबैको भाउमा सामान्य वृद्धि देखिएको छ । आज सुनको भाउ तोलामा ६०० रुपैयाँ र चाँदीको भाउ तोलामा ५ रुपैयाँले बढेको हो । नेपाल सुनचाँदी व्यवसायी महासंघका अनुसार मंगलबार छापावाला सुन प्रतितोला ९१ हजार रुपैयाँ र तेजाबी सुन प्रतितोला ९० हजार ५०० रुपैयाँमा खरिद बिक्री भइरहेको छ ।
अघिल्लो दिन छापावाला सुन प्रतितोला ९० हजार ४०० र तेजाबी सुन प्रतितोला ८९ हजार ९०० रुपैयाँमा खरिद बिक्री भएको थियो । यस्तै चाँदी पनि तोलामा ५ रुपैयाँले बढेर प्रतितोला १ हजार ३०० रुपैयाँमा खरिद बिक्री भइरहेको छ । अघिल्लो दिन चाँदी प्रतितोला १ हजार २९५ रुपैयाँमा खरिद बिक्री भएको थियो ।