आफ्रिदि काठमाडौं किङ्गसबाट इपिएल खेल्ने

काठमाडौ,साउन १२: पाकिस्तान क्रिकेट टिमका पूर्व कप्तान साहिद आफ्रिदिले चौथो संस्करणको एभरेस्ट प्रिमियर लिग (इपिएल) मा काठमाडौं किङ्गस-११ को प्रतिनिधित्व गर्ने भएका छन्।इपिएलले प्रेस विज्ञप्ति जारी गर्दै “बुम-बुम” उपनाम पाएका आफ्रिदिले काठमाडौंबाट इपिएल खेल्ने खबर सार्वजनिक गरेको हो।
क्रिकेटले पाएको उत्कृष्ट खेलाडी मध्यका एक आफ्रिदिलाई इपिएलमा अनुबन्ध गर्न पाँउदा निकै उत्साहित रहेकोे काठमाडौंका मालिक रोहित गुप्ताले जनाए। यस्तै आफ्रिदिको अनुबन्धमा इपिएलका सिइओ आमिर अख्तरले पनि काठमाडौंलाई बधाई दिएका छन्।३७ बलमा सतक बनाउँदै विश्व कीर्तिमान रचेका आफ्रिदि आक्रमक ब्याटिङ र लेग स्पिन बलिङ गर्ने गर्दछन्। ४१ बर्षिया आफ्रिदिलाई क्रिकेट जगतको उत्कृष्ट खेलाडीहरु मध्य एक मानिन्छ।